Lihim na Pag-ibig

-Ginoong Romantikong Umaasa

Binibining aking tinatangi

sa Maykapal, ika'y hinihingi.

Iyong mga mata'y kumikinang

ano pa nga ba ang sayo'y kulang?

Maaari ko bang punan ito,

upang ika'y hindi na malito?

Pagbigyang muli ang iyong puso

kita'y minamahal, oh hermosa.

Nais ko nang ipagtapat sa'yo

at palayain ang aking puso

Sabihin ang nilalaman nito,

at dam'hin ang pag-ibig na ito

Hindi mo man ito napapansin,

iniibig kita nang palihim

Gustong-gusto ko na ngang sabihin

ngunit ako'y puno ng panindim

Hanggang kailan ako maghihintay

sa iyong pusong tila nakabitay?

Mananatili na lang sa dilim

itong pag-ibig na aking lihim.