Isang Maulang Gabi

- Ginoong Romantikong Umaasa

Magdamag nakatingin sa kawalan

Nakatingin doon sa kalawakan

Nauubos ang oras sa orasan

Kalungkutan na nais nang wakasan

Sino kaya ang dapat na lapitan?

Sino kaya ang dapat na kapitan?

Kapag sumasapit ang kalungkutan,

Walang 'sangga, hindi niyo nalalaman.

Sige ibuhos ang malakas na ulan!

Sabay ng damdamin kong nasaksaktan

Mga luha kong nagsisipatakan

mata kong mulat sa katotohanan.

Hindi sa lahat ng pagkakataon 

mahalaga ka at minamahal ka.

Hindi sa lahat ng pagkakataon makakasama mo sila, tuwina.

Hindi sa lahat ng pagkakataon tatangi at pipiliin ka nila.

Kung kaya't matuto na mapag -isa

Mahalin ang sarili't huwag magluksa

'Takwil ang mga takot at pangamba

Matutong tumayo sa sariling paa.